რონდელის ბლოგი
აღმოსავლეთ პარტნიორობის სამიტი - რატომ უნდა აღიარონ „ასოცირებული ტრიო“?
თეონა ლავრელაშვილი, პროექტის მენეჯერი, ევროპული პარტიის მონიტორი ბრიუსელში
რამუნას სტანიონი, ევროპარლამენტის წევრის, ანდრიუს კუბილიუსის პოლიტიკური მრჩეველი
ხანგრძლივი ლოდინის შემდეგ ევროკავშირის აღმოსავლეთ პარტნიორობის სამიტი 15 დეკემბრისათვის ჩაინიშნა. პანდემიის დაწყების შემდეგ ეს არის პირველი სამიტი, რომელშიც ლიდერები ფიზიკურად იღებენ მონაწილეობას. როგორც თავად ევროკავშირი აღნიშნავს, სამიტი მხარს დაუჭერს აღმოსავლეთ პარტნიორობის პროგრამის პოსტ-2020 დღის წესრიგს და ახალ ელემენტებს შეიტანს პროგრამის მისიაში. მართლაც, ევროკავშირს მნიშვნელოვანი შეთავაზება აქვს მეზობლებისათვის, მაგალითად, 2.3 მილიარდი ღირებულების ეკონომიკური და საინვესტიციო გეგმა, რომლის პოტენციალი მოიცავს დამატებით 17 მილიარდი ევროს მობილიზაციას საჯარო და კერძო ინვესტიციების სახით, ასევე გათვალისწინებულია ზრდა უსაფრთხოების სფეროში. მიუხედავად ამისა, აღმოსავლეთ პარტნიორობის პროგრამას გრძელვადიანი ხედვა აკლია, რამაც შესაძლოა უარყოფითად იმოქმედოს „ასოცირებული სამეულის“ ბედზეც.
მიუხედავად ევროკავშირის ცნობილი (ავადსახსენებელი?) „გაფართოებით დაღლის“ სინდრომისა, რომელმაც ბევრს გაუჩინა თავსატეხი, უპირველეს ყოვლისა კი, აღმოსავლეთ პარტნიორობის და დასავლეთ ბალკანეთის ქვეყნებს, საქართველო, მოლდოვა და უკრაინა იმედიანად შეჰყურებენ ევროპულ პერსპექტივას და გამოხატავენ ურყევ ნებას, გახდნენ ევროკავშირის სრულუფლებიანი წევრები. შთაგონებული ამ საერთო იდეით და ასევე, ევროკავშირთან პირისპირ მოლაპარაკების წონის გასაზრდელად ამ სამი ქვეყნის საგარეო საქმეთა მინისტრებმა 17 მაისს კიევში ხელი მოაწერეს მემორანდუმს „ასოცირებული სამეულის“ შექმნის შესახებ, ხოლო რამდენიმე თვის შემდეგ კი მიიღეს სამმხრივი დეკლარაცია ევროკავშირის საბჭოს პრეზიდენტ შარლ მიშელის თანდასწრებით. სწორედ ასე ჩაეყარა საფუძველი ე. წ. „ასოცირებული სამეულის“ პროცესს, რომლის ფარგლებშიც საქართველომ, უკრაინამა და მოლდოვამ ვალდებულება აიღეს, ეთანამშრომლათ საკუთარ ქვეყნებში „მშვიდობიანი, დემოკრატიული და წარმატებული ევროპული მომავლის“ შექმნის საქმეში. შესაძლოა ითქვას, ამ ინიციატივის ირგვლივ გამოხმაურებების ნაწილი საიმედო აღმოჩნდა, ნაწილი - შერეული. ცენტრალური და აღმოსავლეთ ევროპის ქვეყნები ამ ფორმატს მიესალმნენ, ევროპის პარლამენტმაც გამოხატა მხარდაჭერა - საგარეო ურთიერთობების კომიტეტმა საკმაოდ გულითადი შეხვედრა გაუმართა „ასოცირებული სამეულის“ საგარეო საქმეთა მინისტრებს. ახლახან უკვე ამ სამი ქვეყნის პრემიერ-მინისტრები შეხვდნენ ევროკავშირის ინსტიტუტების პრეზიდენტებს „ასოცირებული სამეულის“ ფორმატში.
აღსანიშნავია, რომ ევროკავშირის ინსტიტუტების ნაწილი, მაგალითად, DG NEAR (ევროკომისიის აღმოსავლეთ სამეზობლოს გაფართოების დირექტორატი) გარკვეულ სიფრთხილეს იჩენს, რადგან ეს ინიციატივა, მათი აზრით, აღმოსავლეთ პარტნიორობის პროგრამის ფრაგმენტაციას მოახდენს და პროგრამას მულტილატერალიზმის ელემენტებს ჩამოაცლის. არსებობს საპირისპირო მოსაზრება, რომ ინიციატივას შესწევს უნარი, აღმოსავლეთ პარტნიორობის ქვეყნებს გაუჩინოს გეოპოლიტიკური პერსპექტივები და ხელი შეუწყოს რეფორმების პროცესების გაცოცხლებას.
საბედნიეროდ, ბრიუსელი სულ უფრო მეტად აცნობიერებს, რომ რთულდება იმ განსხვავებების უგულებელყოფა, რაც ასე მომწიფდა აღმოსავლეთ პარტნიორობის ქვეყნებს შორის. ცალსახაა, რომ ნაწილს სურს უფრო მეტი ინტეგრაცია ევროკავშირში, ხოლო ნაწილი სტატუს-კვოს შენარჩუნებით კმაყოფილდება. შესაბამისად, არა მხოლოდ სავარაუდოა, არამედ აუცილებელიც, რომ აღმოსავლეთ პარტნიორობის სამიტმა ოფიციალურად აღიაროს „ასოცირებული სამეულის” ფორმატი. ამ მიზნით კი ასოცირებული სამეულის ქვეყნებს გაბედული ინიციატივის უნარის გამომჟღავნება მართებთ, რათა მოხდეს ამ ფორმატის განვითარების ხედვისა და სამოქმედო გეგმის შემუშავება. სწორედ ამგვარი ხედვის ჩამოყალიბების ერთ-ერთი საფუძველია ევროპარლამენტის ევრონესტის ასამბლეის თავმჯდომარის - ანდრიუს კუბილიუსის და მისი პოლიტიკური მრჩევლის - რამუნას სტანიონისის ბოლო დროს გამოქვეყნებული პოლიტიკის დოკუმენტი, რომელშიც ავტორები გამოთქვამენ აზრს, რომ აღმოსავლეთ პარტნიორობის პროგრამას სჭირდება განახლება, რაც შეიძლება დაეფუძნოს რომანო პროდის „სიახლოვის პოლიტიკის“ იდეას, რომელიც ასევე ცნობილია, როგორც „ყველაფერი, გარდა ინსტიტუტებისა“. გამოვყოფთ 3 ძირითად იდეას:
- ევროკავშირის ტრიოს პროცესი და მისი დღის წესრიგი - ასოცირებული სამეულის დღის წესრიგი უნდა იმართებოდეს ევროკავშირის ინსტიტუტებსა და ევროკავშირის წევრ ქვეყნებთან ერთად. ეს ნიშნავს, რომ „ბერლინის პროცესის“ მსგავსად, რაც მოხდა დასავლეთ ბალკანეთის ქვეყნებისათვის, დაიწყოს ე.წ. „ტრიოს პროცესი“. ტრიო პროცესს წარუძღვეს პრეზიდიუმი, რომელიც როტაციის პრინციპით იმუშავებს. იგი პასუხისმგებელი იქნება ასოცირებული სამეულის პროგრესის შეფასებასა და შემდგომი ნაბიჯების გადადგმაზე. ევროკავშირის ინსტიტუტებმა კი უნდა დაიწყონ რეგულარული რეპორტების შედგენა იმ ახალი მეთოდოლოგიის მიხედვით, რომელიც გამოყენებულია დასავლეთ ბალკანეთის ქვეყნებისთვის.
- ასოცირებული სამეულის თანდათანობითი ინტეგრაცია ევროკავშირის ერთიან ბაზარზე - ევროკავშირის ერთიან ბაზარზე წვდომისთვის ტრიოს დღის წესრიგით გაიწეროს კონკრეტული ნაბიჯები, მაგალითად გამოვიყენოთ კლასტერული EEA ტიპის შუალედური მოდელი. ამ გზით ევროკავშირის კანონმდებლობასთან დაახლოება შესაძლებელია ტრიოს საგზაო რუკის მეშვეობით. EEA-ის (ევროკავშირის ეკონომიკური არეა) მოდელს იგივე სამართლებრივი საფუძვლები აქვს, რაც ასოცირების ხელშეკრულებებს.
- ასოცირებული სამეულის ინსტიტუციური მონაწილეობის გაზრდა - ცხადია, საჭიროა ევროკავშირის მეტი ჩართულობა, როგორც პოლიტიკური, ისე ინსტიტუციური თვალსაზრისით. ასოცირებული სამეულის დღის წესრიგის ფარგლებში უნდა შემუშავდეს ევროკავშირთან „ფიზიკური დაკავშირების“ სტრატეგია, რათა შეიქმნას შესაბამისი ინფრასტრუქტურა, რომ ამ ქვეყნებს გაუჩნდეთ წვდომა ევროკავშირის ერთიან ბაზარზე. მსგავსი პროექტები შეიძლება განხორციელდეს ენერგეტიკის, ტრანსპორტისა და ციფრული ტექნოლოგიების სფეროში. ასეთი ინფრასტრუქტურული პროექტების პრიორიტეტული სია ყოველწლიურად უნდა გადაიხედოს. ამ პროცესის დაჩქარება შესაძლებელია „ასოცირებული ტრიოს“ ინფრასტრუქტურის ჩარჩოს (ATIF) დახმარებით, რომლის სამდივნო უნდა განთავსდეს ევროკომისიაში (DG NEAR). გარდა ამისა, რეფორმების გასაძლიერებლად უკრაინის მხარდაჭერის ჯგუფი (SGUA) უნდა მოიცავდეს ასოცირებული ტრიოს დანარჩენ 2 ქვეყანასაც.
ეს არის საკმაოდ ამბიციური ნაბიჯები, რომელთა გადადგმა სავსებით შესაძლებელია. იმისათვის, რომ ეს იდეები (ან მათი ნაწილი) რეალობად იქცეს, საჭიროა უფრო სისტემური ფიქრი და მსჯელობა, რათა შემუშავდეს შესაბამისი სტრატეგია და სამოქმედო გეგმა „ასოცირებული სამეულის“ ირგვლივ. ეს ინიციატივა წარმატებული ვერ იქნება, თუკი არა მხოლოდ ევროკავშირის, არამედ ადგილობრივი აქტორების, მათ შორის, სამოქალაქო საზოგადოების წარმომადგენლების, ანალიტიკოსების და პოლიტიკური პირების ძალისხმევა არ ჩაიდო. შესაბამისად, ურიგო არ იქნებოდა გვეფიქრა „ასოცირებული სამეულის“ მრჩეველთა ჯგუფის ჩამოყალიბებაზე, რომელშიც შევლენ სამოქალაქო საზოგადოების წარმომადგენლები, ექსპერტები და ანალიტიკოსები სამი ქვეყნიდან და ასევე ევროკავშირიდან.
ასევე ურიგო არ იქნება გვემსჯელა, თუ როგორ გავზარდოთ ევროპის პოლიტიკური პარტიების ჩართულობა. . ვფიქრობთ, ევროპარტიებმა უკეთ უნდა შეძლონ განვითარება/შექმნა შიდა პარტიული პლატფორმებისა, რომელთა მეშვეობით, ერთი მხრივ, მხარს დაუჭერენ „ასოცირებული სამეულის“ იდეას ევროპის დონეზე, ხოლო მეორე მხრივ, ხელს შეუწყობენ კონსტრუქციული დიალოგის განვითარებას თავიანთი პარტნიორი პარტიების ჩართულობით საქართველოს, მოლდოვასა და უკრაინაში.
ამ მოცემულობაში, როდესაც ასოცირებული სამეულის ქვეყნებს არა აქვთ ევროკავშირის გაფართოების პერსპექტივა, ტრიოს პროცესი შეიძლება აღქმული იყოს, როგორც ახალი მომენტი, რომელსაც ხელი უნდა ჩავჭიდოთ, რომ შევძლოთ რეფორმების გაგრძელება. ნათელია, რომ ეს მოითხოვს პოლიტიკური და საზოგადოებრივი აქტორების ძალისხმევის კონსოლიდაციას და, უპირველეს ყოვლისა, მკაფიო პოლიტიკურ ნებას, რომ ევროკავშირის ინსტიტუტებმა და მათმა ხელმძღვანელობამ მხარი დაუჭირონ ამ ინიციატივას. სწორედ ამიტომ 2021 წლის აღმოსავლეთ პარტნიორების სამიტი წარმოადგენს ერთგვარ გარდამტეხი მომენტს, რომ ან აღიარონ ეს იდეა და მოხდეს აღმოსავლეთ პარტნიორობის პროგრამისთვის ახალი ხედვის დამკვიდრება, ან გაგრძელდეს პროცესი “business as usual”. ეს უკანასკნელი კი მხოლოდ ძირს გამოუთხრის ევროკავშირის ტრანსფორმაციის ძალას აღმოსავლეთ პარტნიორობის ქვეყნებში. მეტიც შეარყევს მის გეოპოლიტიკურ სანდოობას.
თემატური პოსტები
- ბლოგი მალე დაემატება
- ევროკავშირის სანქციების მე-11 პაკეტი და საქართველო
- ქართველმა ხალხმა აჩვენა ძალა, თუმცა ევროკავშირს მართებს სიფხიზლე!
- მოახლოებული ზამთრის ენერგოკრიზისი ევროპაში: შეუძლია თუ არა აზერბაიჯანს კონტინენტის მძლავრი ენერგომომმარაგებელი გახდეს?
- კალინინგრადის რუსული ექსკლავი და ლიეტუვური „ჩხვლეტა“
- კანდიდატის სტატუსის მომლოდინე საქართველო ევროპულ პერსპექტივას მიიღებს, რაზე გვაქვს სანერვიულო?
- ცხინვალის არშემდგარი რეფერენდუმი
- ომი და საქართველო
- „ავტოკრატიული მშვიდობა“
- „რურალური ორბანიზმი“ - პოლარიზაცია, როგორც უნგრეთის პოლიტიკური მომავლის განმსაზღვრელი ფაქტორი
- არალეგიტიმური საპრეზიდენტო არჩევნები ცხინვალის რეგიონში: რატომ წააგო ბიბილოვმა და რა იქნება ბიბილოვის შემდეგ?
- How to Respond to Russian Ultra-Orthodox-Historic-Hegemonism?
- ომი უკრაინაში და გაერთიანებული სამეფოს ახალი როლი აღმოსავლეთ ევროპაში
- რას მოუტანს სამხრეთ კავკასიას ეუთოს მინსკის ჯგუფის გაუქმება?
- საფრანგეთის საპრეზიდენტო არჩევნები და ევროპის პოლიტიკური მომავალი
- შეძლებს თუ ვერა ფაშინიანი გარდატეხის შეტანას სომხეთ-აზერბაიჯანის ურთიერთობებში?
- რატომ გააქტიურდა აფხაზური მხარე სოციალურ ქსელებში?
- რატომ არ მოსწონს პუტინს ნეიტრალური უკრაინა? (უკრაინის ნეიტრალური სტატუსი აქტუალური ხდება - რას ნიშნავს ეს პუტინისთვის?)
- მასობრივი უკონტროლო მიგრაცია და საქართველოს ხელისუფლების პოზიცია
- რა ცვლილებები მოხდა პუტინის რეჟიმის პროპაგანდის ნარატივებში უკრაინაში რუსეთის შეჭრიდან დღემდე
- უკრაინა ევროკავშირში პრაქტიკული ინტეგრაციის გზას მალე დაადგება, საქართველო?
- როგორია თურქეთის პოზიციები და ქმედებები რუსეთ-უკრაინის ომში
- ნატოს შესაძლო გაფართოება ჩრდილოეთ ევროპაში და მისი მნიშვნელობა საქართველოსა და უკრაინისთვის
- პეკინის ზამთრის პოლიტიკური ოლიმპიადა
- რა დგას პუტინის უკრაინაში გამბიტის უკან?
- 2021 აფხაზეთში: ენერგოკრიზისი, ახალი „მინისტრი“ და პოლიტიკური დაპირისპირება
- L'Europe pourra-t-elle éviter le “déjà vu” ? (საფრანგეთი, ევროკავშირის საბჭოს თავმჯდომარე და დაძაბულობა აღმოსავლეთ ევროპაში)
- რამზან კადიროვის რეჟიმის ახალი სამიზნეები
- რა პერსპექტივები დასახა 15 დეკემბერს გამართულმა აღმოსავლეთ პარტნიორობის სამიტმა?
- რა გავლენას მოახდენს მერკელის პოლიტიკიდან წასვლა ევროკავშირის პოლიტიკაზე რუსეთისა და აღმოსავლეთის სამეზობლოს მიმართ?
- რა დგას საქართველოსა და უნგრეთის მთავრობების მზარდი თანამშრომლობის უკან
- „დობერმანი“ მინისტრად: ინალ არძინბას პერსპექტივები და გამოწვევები
- კრიზისი ბელარუსში: როგორ გავაძლიეროთ ჩვენი მედეგობა რუსეთის სტრატეგიის წინააღმდეგ მის ახლო სამეზობლოში
- მოლდოვას გაზის კრიზისი-რუსეთის კიდევ ერთი პოლიტიკური შანტაჟი
- ევროკავშირი-პოლონეთის გაუარესებული ურთიერთობები და მისი მნიშვნელობა აღმოსავლეთ პარტნიორობის პროგრამისთვის
- ბელარუსი ერთი წლის შემდეგ: დასუსტებული რეჟიმი რუსული „დაცვის“ ქვეშ
- რატომ დაიძაბა ირან-აზერბაიჯანის ურთიერთობები?
- რუსეთის საპარლამენტო არჩევნები - რა შეიძლება ითქვას რეჟიმის სტაბილურობაზე
- 6 მთავარი გზავნილი ევროკავშირის 2021 მიმართვიდან - (უმნიშვნელო აქცენტი გაფართოებაზე?)
- გეზი ჩინეთიდან ტაივანისკენ - ახალი საგარეო პოლიტიკური ტრენდი ცენტრალურ და აღმოსავლეთ ევროპაში
- ვაქცინაცია: „ყოფნა?... არ ყოფნა?...“
- შარიათის პატრული ყაბარდო-ბალყარეთში: მზარდი ტენდენცია თუ ადგილობრივი კონფლიქტი?
- ბელარუსის გასვლა აღმოსავლეთ პარტნიორობიდან - რა იქნება შემდგომ?
- Pacta Sunt Servanda: ხელშეკრულებები უნდა შესრულდეს
- ასოცირებული ტრიო და მისი მომავალი
- აფხაზეთში ახალი „პოლიტიკური ელიტის“ ჩამოყალიბება - ვინ ჩაანაცვლებს ძველ „ელიტას“?
- რა სიმბოლოა ევროკავშირის დროშაზე და რატომ არ უნდა ჩამოხიოს და დაწვას ის ჭეშმარიტმა ქრისტიანმა
- არქტიკის გამდნარი ყინული და მზარდი საფრთხეები
- აფხაზეთისა და სამაჩაბლოს საკითხი ნატოსა და ევროკავშირში გაწევრიანების კონტექსტში
- რუსეთის მიმართ ევროკავშირის საგარეო პოლიტიკის გადაფასება
- პოლიტიკური კრიზისი მოლდოვაში - ჩიხი გამოსავლის გარეშე
- შეთანხმება „დრაკონთან“ – ჩინეთ-ევროკავშირის საინვესტიციო ხელშეკრულების რისკები
- ევროკავშირის წევრობის შესახებ საქართველოს განაცხადი
- ვის გამოუტანა განაჩენი მოსამართლემ: ნავალნის, პუტინს თუ რუსეთს?!
- ბაიდენის თავსატეხი
- 2020 აფხაზეთში: „არჩევნები“, პანდემია და მეტი ინტეგრაცია რუსეთთან
- უნგრეთის კრიზისი: ევროკავშირის წარუმატებლობა ავტორიტარიზმის წინააღმდეგ?
- Could Belarus Become a Prelude to the Great Polish-Swedish War 400 Years Ago?
- რამდენიმე მოსაზრება ტერმინის „პოსტსაბჭოთა სივრცე“ გამოყენების თაობაზე
- საქართველოს ევროპული გზა პანდემიური დეგლობალიზაციის პირობებში
- თურქეთის კავკასიური პოლიტიკა სომხეთ-აზერბაიჯანის ბოლო დაძაბულობის ფონზე
- ხაბაროვსკის საპროტესტო გამოსვლები, როგორც რუსეთის ფედერაციის სტაბილურობის ერთგვარი ინდიკატორი
- პოლიტიკური კრიზისის ანატომია ოკუპირებულ აფხაზეთში
- რას ნიშნავს გენერალ ყასემ სოლეიმანის ლიკვიდაცია?
- რას მოუტანს საქართველოს რუსეთთან დიალოგის ახალი ფორმატი?
- საით მიდის ეკონომიკური პოლიტიკა?
- რუსული პროპაგანდის მთავარი გზავნილები
- /
- რა ვიცით რუსეთის ფედერაციისა და საქართველოს საგარეო საქმეთა მინისტრების შეხვედრის შესახებ?
- ანტისაოკუპაციო პოლიტიკის ახალი აქცენტები
- საქართველოს საკითხი არ განიხილება დიდი შვიდეულის სამიტზე - ვისი ბრალია?
- ევროპარლამენტის არჩევნების შედეგები - რას ნიშნავს საქართველოსთვის?
- 10 წელი აღმოსავლეთ პარტნიორობის დაარსებიდან
- როგორ შევაჩეროთ რუსეთი
- ცირკულარული შრომითი მიგრაციის ახალი შესაძლებლობა საქართველოსა და ევროკავშირს შორის
- აშშ-ის შუალედური არჩევნები: შედეგები და მნიშვნელობა
- ევროკავშირის რბილი ძალა და სომხეთის (რ)ევოლუცია
- რა გავლენას იქონიებს სოლსბერი ბრექსიტის მოლაპარაკებებზე
- ვის ეხმარება რუსეთი?
- არის თუ არა საქართველოს ექსპორტის ზრდა მდგრადი?
- პუტინის ვიზიტი ოკუპირებულ აფხაზეთში: იყო კი ჩვენი რეაქცია საკმარისი?
- პენსის ვიზიტი საქართველოში: რამდენიმე გაკვეთილი და რას უნდა ველოდოთ
- მისაღებია თუ არა საქართველოს ნეიტრალიტეტის გამოცხადება
- საქართველოს ევროპული პერსპექტივა ევროკავშირის შემდგომი ევოლუციის კონტექსტში
- Brexit-ის მოლაპარაკება ევროკავშირსა და დიდ ბრიტანეთს შორის განახლდა: რა გავლენას მოახდენს იგი საქართველოზე?
- როგორ შევაჩეროთ „მცოცავი ოკუპაცია“
- კრემლის პოლიტიკა საქართველოს ოკუპირებულ რეგიონებში ახალ ეტაპზე გადადის
- სირიის სამოქალაქო ომი რეგიონული უსაფრთხოების კონტექსტში
- რუსეთის იმპერიალიზმთან ბრძოლის მეორე რაუნდი, რომლის მოგება შესაძლებელია
- თურქეთის საშინაო და საგარეო პოლიტიკა რეგიონული უსაფრთხოების კონტექსტში
- პოსტსაბჭოთა ქვეყნები - ბრძოლა ძალაუფლების ლეგიტიმაციისთვის
- ახალი რუსული შეიარაღება კავკასიაში და მისი გავლენა საქართველოს ევროატლანტიკურ მისწრაფებებზე