სიახლეები
ბოლო 24 საათი სირიაში, 3 მარტი
2020 / 03 / 01
ზურაბ ბატიაშვილი, რონდელის ფონდის მკვლევარი
- ინტენსიური ბრძოლები მიმდინარეობდა იდლიბის პროვინციაში. თურქული მხარის ინფორმაციით, ასადის რეჟიმის ძალებთან შეტაკებებისას დაიღუპა 1 და დაიჭრა რამდენიმე თურქი სამხედრო მოსამსახურე. გაცილებით დიდი მსხვერპლია ასადის რეჟიმის მომხრეებში;
- ასადის რეჟიმის ძალებმა წამოწყებული კონტრშეტევის შედეგად შეძლეს სტრატეგიულად მნიშვნელოვანი ქ. სარაქიბის აღება, რის შემდეგაც იქ რუსული სამხედრო პოლიცია ჩადგა;
- ასადის ძალებმა რამდენიმე დასახლებული პუნქტი აიღეს ქ. სარაქიბის სამხრეთ-დასავლეთით და იდლიბის პროვინციის სამხრეთით;
- თურქეთის თავდაცვის სამინისტროს განცხადებით, ჩამოაგდეს ასადის რეჟიმის კუთვნილი სამხედრო თვითმფრინავი L-39;
- თავის მხრივ, ასადის რეჟიმმაც გამოაცხადა, რომ თურქული უპილოტო საფრენი აპარატი ჩამოაგდეს იდლიბის პროვინციაში;
- ჩრდილოეთ სირიაში კიდევ ერთი თურქული სამხედრო კოლონა შევიდა;
- თურქული არტილერია და დრონები განაგრძობდნენ ასადის რეჟიმის პოზიციების დაბომბვებს;
- თურქეთ-საბერძნეთის საზღვარზე გრძელდებოდა ლტოლვილების თავმოყრა, რომლებიც ევროპაში გადასვლას ცდილობენ.