ლექციები და ტრენინგები

   

გლობალური პოლიტიკის, ევროინტეგრაციისა და გლობალური ეკონომიკის კურსის დახურვის ცერემონია

2015 წლის 26 თებერვალს  საქართველოს სტრატეგიისა და საერთაშორისო ურთიერთობების კვლევის ფონდმა უმასპინძლა "გლობალური პოლიტიკის, ევროინტეგრაციისა და გლობალური ეკონომიკის პროგრამის” დახურვისა და კურსდამთავრებულთათვის სერტიფიკატების გადაცემის ცერემონიას. 16 საჯარო მოხელეს გადაეცა 4-თვიანი, ინტენსიური პროგრამის წარმატებით დასრულების სერტიფიკატი.

სერტიფიკატების გადაცემის ცერემონიაზე სიტყვით გამოვიდნენ საქართველოს სტრატეგიისა და საერთაშორისო ურთიერთობების კვლევის ფონდის პრეზიდენტი ალექსანდრე რონდელი, თავდაცვის მინისტრის მოადგილე კახა ოქროჯანაშვილი, ”ჯეი-თი-აი კავკაზუსის” კორპორაციულ საკითხთა და კომუნიკაციების დირექტორი ოვიდიუ ჩერნეი და შემოსავლების სამსახურის წარმომადგენელი.  

ფონდის მიერ განხორციელებული და ”ჯეი-თი-აი კავკაზუსის” მიერ დაფინანსებული სასწავლო პროგრამის მიზანს წარმოადგენდა საშუალო რგოლის საჯარო მოხელეების  შესაძლებლობების გაზრდა გლობალური ეკონომიკისა და პოლიტიკის, ასევე ევროპული ინტეგრაციის საკითხებში.